• Aграгарадок Вейна Aграгарадок Вейна
  • Памятны знак К.Сіманаву Памятны знак К.Сіманаву
  • Aграгарадок Рэчкі Aграгарадок Рэчкі
  •  Аграгарадок Буйнічы Аграгарадок Буйнічы
Галоўная / Навіны / Навіны рэгіёну

Конкурс кіроўцаў смеццявозаў пройдзе ў Магілёве 8 кастрычніка

08.10.2021

Конкурс прафесійнага майстэрства «Магілёўскі майстар» сярод кіроўцаў смеццявозаў пройдзе ў Магілёве 8 кастрычніка. Ён збярэ каля 20 работнікаў прадпрыемстваў жыллёва-камунальнай гаспадаркі з усёй вобласці. Спаборніцтвы адбудуцца пяты раз, пра што паведаміў старшыня Магілёўскага абласнога камітэта Беларускага прафсаюза работнікаў мясцовай прамысловасці і камунальна-бытавых прадпрыемстваў Павел Жуйкоў.

Для ўдзелу ў конкурсе няма ўзроставых абмежаванняў: маладыя кіроўцы спаборнічаюць на роўных умовах з больш вопытнымі калегамі. Многія прыязджаюць на конкурс ужо не першы раз, сярод іх ёсць і пераможцы мінулых гадоў. Абавязковай умовай для ўсіх удзельнікаў стане адсутнасць за апошнія 12 месяцаў ДТЗ, парушэнняў працоўнай і вытворчай дысцыпліны.

Удзельнікам конкурсу трэба прайсці два этапы: тэарэтычны і практычны. На першым яны традыцыйна прадэманструюць веды правілаў дарожнага руху, прылады і тэхнічнага абслугоўвання аўтамабіляў, на другім – пакажуць навыкі кіравання смеццявозам. Найлепшых узнагародзяць дыпломамі, грашовымі прэміямі і каштоўнымі падарункамі.

Спаборніцтвы пройдуць на базе абласнога «ДТСААФ» (аўтадром па вул. Сіманава. Урачыстае адкрыццё – 10.00.

Магілёўскі абласны выканаўчы камітэт