Грамадзянска-патрыятычны праект «Марафон гістарычнай памяці» рэалізуюць у Магілёўскай вобласці. Пра гэта паведамілі ў рэгіянальным метадычным цэнтры народнай творчасці і культурна-асветнай працы.
Праект прымеркаваны да Года гістарычнай памяці і будзе праходзіць на працягу ўсяго 2022 года. Ён уяўляе сабой серыю мерапрыемстваў, накіраваных на фарміраванне аб’ектыўнага стаўлення да гістарычнага мінулага, захаванне і ўмацаванне адзінства беларускага народа. Да ўдзелу ў марафоне запрашаюцца ўстановы, арганізацыі, творчыя калектывы і выканаўцы незалежна ад ведамаснай прыналежнасці.