Паняццем «дэмакратыя» спекулююць моцныя краіны ў сваіх інтарэсах. Такое меркаванне выказаў кіраўнік рэгіянальнага аддзялення Беларускага інстытута стратэгічных даследаванняў Алег Корапаў падчас нарады з кіраўнікамі грамадскіх аб’яднанняў і партый, членамі Каардынацыйнага савета грамадскіх аб’яднанняў і палітычных партый Магілёўскай вобласці.

«Збеглі з усходу, прыбеглі сюды. Зараз ёсць відавочны факт: рыхтавалася ваенная правакацыя. Нездарма ў апошнія гады адбывалася напампоўка самым сучасным узбраеннем. Ва Украіне змаглі ўбіць у галовы насельніцтва сваю нацыяналістычную ідэалогію. Дадаць сюды заходнія грошы, якія былі накіраваныя на стварэнне правых сектараў «Азова» і гэтак далей тады яшчэ, да 2014 года, – адзначыў ён. – А цяпер маскі скінутыя. І адступаць ім ужо няма куды. І пытанне стаіць рубам. Амерыка разглядае магчымасць перадачы Украіне высокадакладнай зброі ў дадатак да тых $13 млрд, якія ЗША запланавалі ў сваім бюджэце на аказанне ваеннай дапамогі Украіне. Зяленскі кідаецца – там змаглі цалкам навязаць знешняе кіраванне краінай».

Як адзначыў Алег Корапаў, сітуацыя з Украінай сёння нагадвае перадгісторыю Другой сусветнай вайны. «Тады вайна дапамагла Амерыцы выйсці з крызісу і ўмацаваць сваю эканоміку. І цяпер мы бачым практычна такую ж сітуацыю. Амерыка за кошт іншых вырашае свае пытанні і ёй пляваць на астатніх», – адзначыў ён.

БЕЛТА