• Памятны знак К.Сіманаву Памятны знак К.Сіманаву
  •  Аграгарадок Буйнічы Аграгарадок Буйнічы
  • Aграгарадок Рэчкі Aграгарадок Рэчкі
  • Aграгарадок Вейна Aграгарадок Вейна
Галоўная / Навіны / Навіны рэспублікі

Беларусь і Калумбія зацікаўлены ў развіцці супрацоўніцтва па шырокім спектры напрамкаў

28.10.2021

Беларусь і Калумбія зацікаўлены ў развіцці супрацоўніцтва па шырокім спектры напрамкаў, а таксама ва ўмацаванні міжпарламенцкага ўзаемадзеяння. Аб гэтым ішла размова ў час візіту намесніка міністра замежных спраў Рэспублікі Беларусь Яўгена Шэстакова ў Рэспубліку Калумбія, паведамілі БЕЛТА ў прэс-службе МЗС Беларусі.

Намеснік міністра наведвае Калумбію 25-27 кастрычніка. У першы дзень Яўген Шэстакоў сустрэўся са старшынёй Палаты дэпутатаў Нацыянальнага кангрэса Калумбіі Джэніфер Арыяс і членамі Групы дружбы парламента Калумбіі з парламентам Беларусі. "Падкрэслена зацікаўленасць у развіцці супрацоўніцтва дзвюх краін па шырокім спектры напрамкаў, а таксама ва ўмацаванні міжпарламенцкага ўзаемадзеяння", - расказалі ў МЗС.

Адбылася таксама сустрэча намесніка міністра замежных спраў Беларусі з выконваючым абавязкі міністра культуры Калумбіі Хасэ Арготэ. Бакі абмеркавалі перспектывы ўмацавання беларуска-калумбійскіх культурных сувязей, у прыватнасці ўзаемадзеяння па лініі мастацкіх калектываў, тэатральных устаноў, музеяў і галерэй, магчымасці арганізацыі сумесных выстаў, абмену экспертамі ў сферы мастацтва. Па выніках сустрэчы падпісаны мемарандум аб узаемаразуменні паміж міністэрствамі культуры Беларусі і Калумбіі. Калумбійскаму боку прапанавана стаць пастаянным удзельнікам міжнародных культурных мерапрыемстваў у Беларусі, уключаючы штогадовы фестываль мастацтваў "Славянскі базар у Віцебску", а таксама развіваць супрацоўніцтва ў сферы выкарыстання высокіх тэхналогій у мастацтве.

У гэты ж дзень намеснік кіраўніка беларускага знешнепалітычнага ведамства прыняў удзел у цырымоніі адкрыцця пасольства Беларусі ў Калумбіі. На мерапрыемстве прысутнічалі прадстаўнікі дзяржаўных органаў, дзелавых колаў і акадэмічнай супольнасці Калумбіі. Яўген Шэстакоў падкрэсліў значнасць Калумбіі для Беларусі як перспектыўнага партнёра ў Лацінскай Амерыцы, нацэленасць на развіццё міждзяржаўнага дыялогу, канструктыўнага супрацоўніцтва ў міжнародных арганізацыях, а таксама зацікаўленасць у выбудоўванні сістэмы абмену вопытам у розных сферах.

БелТА