•  Аграгарадок Буйнічы Аграгарадок Буйнічы
  • Aграгарадок Рэчкі Aграгарадок Рэчкі
  • Aграгарадок Вейна Aграгарадок Вейна
  • Памятны знак К.Сіманаву Памятны знак К.Сіманаву
Галоўная / Навіны / Навіны рэспублікі

Беларусь прадставіць прадукцыю вядучых брэндаў харчовай прамысловасці на выстаўцы Gulfood у Дубаі

31.01.2022

Беларусь прадставіць прадукцыю вядучых брэндаў харчовай прамысловасці на выстаўцы Gulfood у Дубаі. Аб гэтым паведамляе БЕЛТА са спасылкай на сайт выставачнага прадпрыемства "Белінтэрэкспа" Беларускай гандлёва-прамысловай палаты.

З 13 па 17 лютага на міжнароднай выстаўцы прадуктаў харчавання і напіткаў Gulfood у Дубаі будзе прадстаўлена беларуская экспазіцыя Belarus - the Taste of Nature. Вядучыя айчынныя прадпрыемствы харчовай прамысловасці прадэманструюць гасцям выстаўкі і патэнцыяльным партнёрам лінейку мясамалочнай прадукцыі і навінкі вытворчасці.

Сярод удзельнікаў экспазіцыі - вытворцы малочнай прадукцыі ААТ "Беллакт", ААТ "Малочны свет", ТАА "Праймілк", ААТ "Слуцкі сыраробны камбінат", ААТ "Лідскі малочна-кансервавы камбінат". Мясную галіну прадставяць ТАА "Вялес-Міт", ААТ "Ваўкавыскі мясакамбінат", ААТ "Гродзенскі мясакамбінат", ААТ "Слонімскі мясакамбінат" і ААТ "Агракамбінат "Дзяржынскі".

Сярод навінак вытворчасці ад беларускіх прадпрыемстваў - лінейка дзіцячага харчавання Bellakt Opti Active ад кампаніі "Беллакт", лінейка мяккіх сыроў і тварожных крэмаў Bela Bovino ад прадпрыемства "Малочны свет", сыр "Вінгенштэйнскі" з труфелем і сыр "Мадэлан" ад Слуцкага сыраробнага камбіната. Будзе таксама прадстаўлены мяккі сыр, выраблены па тэхналогіі італьянскага сыру рыкотта ад кампаніі "Праймілк" і шмат іншага.

Арганізатар беларускай экспазіцыі на выстаўцы прадуктаў харчавання і напіткаў Gulfood - выставачнае прадпрыемства "Белінтэрэкспа" Беларускай гандлёва-прамысловай палаты. Мерапрыемства праводзіцца пры падтрымцы Міністэрства сельскай гаспадаркі і харчавання Беларусі, пасольства Беларусі ў Аб'яднаных Арабскіх Эміратах, Dubai Industries and Exports, гандлёва-прамысловых палат ААЭ.

БелТА