• Aграгарадок Рэчкі Aграгарадок Рэчкі
  •  Аграгарадок Буйнічы Аграгарадок Буйнічы
  • Памятны знак К.Сіманаву Памятны знак К.Сіманаву
  • Aграгарадок Вейна Aграгарадок Вейна
Галоўная / Навіны / Навіны рэспублікі

Савет дырэктараў кандытарскай галіны створаны ў Беларусі

09.09.2020

Савет дырэктараў кандытарскай галіны створаны ў Беларусі. Такая інфармацыя размешчана на сайце канцэрна "Белдзяржхарчпрам", паведамляе БЕЛТА.

"Адбылося першае пасяджэнне Савета дырэктараў кандытарскай галіны. Падзея для нашай краіны знакавая: беларускія кандытары адкрываюць для сябе новы гарызонт. Адной з галоўных задач структуры будзе каардынацыя работы, адкрыццё новых рынкаў збыту і развіццё кандытарскай галіны", - адзначылі ў канцэрне.

Старшынёй выбраны генеральны дырэктар СП ААТ "Спартак" Алег Жыдкоў. У Савет дырэктараў кандытарскай галіны таксама ўвайшлі генеральны дырэктар СААТ "Камунарка" Іван Данчанка, дырэктар ААТ "Кандытарская фабрыка "Слодыч" Аляксандр Нячай, дырэктар ААТ "Чырвоны харчавік" Сяргей Анюхоўскі, кіраўнік ААТ "Чырвоны мазыранін" Аляксандр Піляк, антыкрызісны кіраўнік ААТ "Конфа" Павел Бухвалаў, генеральны дырэктар ААТ "Мазырсоль" Артур Галімаў.

Пасяджэнні савета будуць праводзіцца штоквартальна. Кіраўнікі беларускіх прадпрыемстваў усіх форм уласнасці могуць увайсці ў яго склад. Адпаведная заява разглядаецца на пасяджэнні савета, потым выносіцца рашэнне.-0-

НАВIНЫ БЕЛАРУСI