• Aграгарадок Рэчкі Aграгарадок Рэчкі
  • Памятны знак К.Сіманаву Памятны знак К.Сіманаву
  •  Аграгарадок Буйнічы Аграгарадок Буйнічы
  • Aграгарадок Вейна Aграгарадок Вейна
Галоўная / Навіны / Навіны рэспублікі

Свята «Купалле» ў Александрыі ў 2023 годзе будзе фінансавацца з бюджэту Саюзнай дзяржавы

03.06.2022

Свята «Купалле» («Александрыя збірае сяброў») у 2023 годзе будзе фінансавацца з бюджэту Саюзнай дзяржавы. Пра гэта паведамілі ў прэс-службе Парламенцкага сходу Саюза Беларусі і Расіі па выніках праведзенага ў Мінску пасяджэння Камісіі Парламенцкага сходу па сацыяльнай і маладзёжнай палітыцы, навуцы, культуры і гуманітарных пытаннях.

«Дэпутаты абмеркавалі ход работы па фарміраванні бюджэту Саюзнай дзяржавы 2023 года ў частцы фінансавання мерапрыемстваў па пытаннях вядзення камісіі Парламенцкага сходу па сацыяльнай і маладзёжнай палітыцы, навуцы, культуры і гуманітарных пытаннях, – расказалі ў прэс-службе. – Пастаянны камітэт Саюзнай дзяржавы сумесна з профільнымі міністэрствамі і ведамствамі Беларусі і Расіі вядзе працу па падрыхтоўцы і ўзгадненні адпаведных бюджэтных заявак. Паводле прадстаўленай інфармацыі, у дадатак да мерапрыемстваў, якія фінансуюцца ў 2022 годзе, у наступным годзе правядзенне мерапрыемства «Купалле» («Александрыя збірае сяброў») будзе фінансавацца са сродкаў бюджэту Саюзнай дзяржавы».

Акрамя таго, плануецца аднаўленне гастроляў Маладзёжнага беларуска-расійскага сімфанічнага аркестра. Гэты творчы калектыў з’явіўся ў 2008 годзе, яго ўдзельнікі – юныя музыкі ва ўзросце ад 14 да 18 гадоў. За час свайго існавання аркестр даў канцэрты ў многіх гарадах Беларусі і Расіі, а таксама ў Вялікабрытаніі, Германіі, Італіі, Чэхіі і іншых краінах. Апошні раз гастролі праводзілася ў 2017 годзе. Члены камісіі Парламенцкага сходу па сацыяльнай і маладзёжнай палітыцы, навуцы, культуры і гуманітарных пытаннях звярталі ўвагу на неабходнасць працягваць штогадовае выкананне мерапрыемства «Гастролі моладзевага беларуска-расійскага сімфанічнага аркестра» і рэкамендавалі профільным міністэрствам забяспечыць яго падрыхтоўку і фінансаванне з бюджэту Саюзнай дзяржавы.

Парламентарыі таксама звярнулі ўвагу Міністэрства адукацыі Беларусі і Міністэрства асветы Расіі на неабходнасць актывізаваць працу па падрыхтоўцы праекта Саюзнай дзяржавы па стварэнні Полацкага кадэцкага корпуса для сумеснага навучання навучэнцаў з Беларусі і з найбліжэйшых абласцей РФ для яго фінансавання са сродкаў бюджэту Саюзнай дзяржавы пачынаючы з 2023 года. Раней дэпутаты падтрымалі ініцыятыву аб падрыхтоўцы праекта па сумесным навучанні кадэтаў з Беларусі і Расіі.

У пасяджэнні прынялі ўдзел Старшыня камісіі Парламенцкага сходу па сацыяльнай і маладзёжнай палітыцы, навуцы, культуры і гуманітарных пытаннях Алена Афанасьева, намеснік старшыні Людміла Макарына-Кібак, члены камісіі – Мікалай Бурляеў, Вольга Германава, Юлія Дрожжына, Людміла Канановіч, Сяргей Клішэвіч і Анатоль Шчасны, а таксама прадстаўнікі Пастаяннага камітэта Саюзнай дзяржавы, Міністэрства аховы здароўя Беларусі, Міністэрства аховы здароўя РФ, Федэральнага медыка-біялагічнага агенцтва, Міністэрства адукацыі Беларусі, Міністэрства асветы Расіі, Міністэрства культуры Беларусі, моладзевай палаты пры Парламенцкім сходзе Саюза Беларусі і Расіі.

БЕЛТА