Беларусы прагаласавалі за змены ў Канстытуцыю. ЦВК апублікаваў папярэднія вынікі рэферэндуму, перадае карэспандэнт БЕЛТА.

"Агульная колькасць грамадзян, уключаных у спісы ўдзельнікаў рэферэндуму - 6 млн 815 тыс. 667 чалавек. У галасаванні прынялі ўдзел 78,63% - гэта значыць больш за палову грамадзян, унесеных у спісы для галасавання. Такім чынам, рэспубліканскі рэферэндум лічыцца адбыўшымся", - адзначыў старшыня Цэнтральнай камісіі Беларусі па выбарах і правядзенні рэспубліканскіх рэферэндумаў Ігар Карпенка.

За змены ў Канстытуцыю прагаласавалі 65,16% грамадзян. Не падтрымалі прапановы па змяненні Асноўнага закона краіны 10,07 працэнта.

Брэсцкая вобласць - "за" - 64,21%, "супраць" - 7,74%,

Віцебская вобласць - "за" - 70,12%, "супраць" - 8,57%,

Гомельская вобласць - "за" - 71,08%, "супраць" - 9,2%,

Гродзенская вобласць - "за" - 63,4%, "супраць" - 10,95%,

Мінская вобласць - "за" - 64,58%, "супраць" - 9,63%,

Магілёўская вобласць - "за" - 71,69%, "супраць" - 10,4%,

Мінск - "за" - 55,13%, "супраць" - 13,23%.

"Такім чынам, папярэднія вынікі ёсць. Нагадваю, што ЦВК плануе правесці сёння ў 10.00 выніковую прэс-канферэнцыю. 3 сакавіка мы плануем правесці паседжанне камісіі і падвядзем канчатковыя вынікі рэферэндуму", - дадаў Ігар Карпенка.

Крыніца: belta.by