У Магілёўскім раёне пачалося датэрміновае галасаванне на рэферэндуме па ўнясенні змен і дапаўненняў у Канстытуцыю Рэспублікі Беларусь. У 10.00 адчыніліся ўчасткі для галасавання. На тэрыторыі Магілёўскага раёна створана 36 участкаў для галасавання.
Датэрміновае галасаванне працягнецца да 26 лютага ўключна. Выбарчыя ўчасткі будуць адкрыты з 10.00 да 14.00 і з 16.00 да 19.00. Асноўны дзень галасавання - 27 лютага. Участкі будуць працаваць з 8:00 да 20:00.
Бюлетэнь для галасавання выдаецца ўдзельніку рэферэндуму на падставе спісу грамадзян, якія маюць права ўдзельнічаць у рэферэндуме, пры прад'яўленні аднаго з наступных дакументаў:
пашпарта грамадзяніна Рэспублікі Беларусь;
ідэнтыфікацыйнай карты грамадзяніна Рэспублікі Беларусь;
біяметрычнага пашпарта грамадзяніна Рэспублікі Беларусь;
ваеннага білета (для ваеннаслужачых тэрміновай службы);
службовага пасведчання работніка дзяржаўнага органа (арганізацыі);
пасведчання кіроўцы;
пенсійнага пасведчання, пасведчання інваліда (пры наяўнасці ў іх фатаграфіі);
студэнцкага білета;
даведкі органа ўнутраных спраў, якая пацвярджае асобу грамадзяніна (у выпадку страты (крадзяжу) пашпарта, ідэнтыфікацыйнай карты грамадзяніна Рэспублікі Беларусь).