Урачыстае адкрыццё Дошкі Славы Магілёўскага раёна ў гонар знакамітых землякоў – Герояў Савецкага Саюза, Герояў Сацыялістычнай Працы, поўных кавалераў ордэнаў Славы і Айчыны, – прымеркаванае да Дня Незалежнасці Рэспублікі Беларусь у межах года гістарычнай памяці, прайшло ў Магілёўскім райвыканкаме.

На ўрачыстым мерапрыемстве прысутнічалі: старшыня Магілёўскага раённага выканаўчага камітэта Алег Чыкіда, старшыня Магілёўскага раённага Савета дэпутатаў Сяргей Ярошчанка, член Савета Рэспублікі Нацыянальнага сходу Рэспублікі Беларусь Алег Дзячэнка, старшыня раённай арганізацыі Беларускага грамадскага аб’яднання ветэранаў Віктар Пінчук, дэпутат Палаты прадстаўнікоў Нацыянальнага сходу Наталля Тарасенка, начальнікі структурных падраздзяленняў Магілёўскага райвыканкама, старшыні сельскіх выканкамаў, кіраўнікі прадпрыемстваў, устаноў, грамадскіх аб’яднанняў Магілёўскага раёна.

На Дошцы Гонару ўвекавечаны імёны дваццаці аднаго ўраджэнца і жыхара Магілёўскага раёна, сярод якіх Героі Савецкага Саюза: Алейнікаў Сяргей, Кучынскі Міхаіл, Саламоннікаў Іван, Юрчанка Ягор, Раманькоў Міхаіл, Нядзвецкі Іосіф.

Героі Сацыялістычнай Працы: Аўсеенка Лідзія, Аўсеенка Пелагея, Арсеньева Надзея, Бандарэнка Зінаіда, Зубарава Таццяна, Парфёненка Іван, Пракапнёва Пелагея, Пускін Рыгор, Сяргееў Ілья, Слабадзян Сяргей, Цітова Зоя, Шатухіна Антаніна.

Поўныя кавалеры ордэна Славы: Кагуценка Аляксандр і Сотнікаў Сяргей.

Поўны кавалер ордэна Айчыны Маісееў Леанід.

Стварэнне і ўстаноўка Дошкі Гонару Магілёўскага раёна будзе спрыяць захаванню памяці пра вядомых ураджэнцаў і працаўнікоў Магілёўшчыны, грамадзянска-патрыятычнаму выхаванню насельніцтва, захаванню гістарычнага, культурнага і духоўнага спадчыны.

Парк і памятны знак у гонар 77-годдзя Вялікай Перамогі адкрылі ў аграгарадку Кадзіна