Штогод у першую нядзелю кастрычніка наша краіна адзначае цудоўнае свята –Дзень настаўніка. Педагогі адкрываюць дзверы ў краіну ведаў, выхоўваюць у нас найлепшыя якасці, вучаць любіць сваю Радзіму і даюць пуцёўку ў жыццё. Іх праца сапраўды неацэнная.

Напярэдадні свята зала ДУА «Магілёўская раённая дзіцячая школа мастацтваў Л. Л. Іванова» была напоўнена тымі, хто працуе на карысць будучага пакалення і сам заўсёды імкнецца да новых ведаў. Свята сабрала педагогаў Магілёўскага раёна, якія за адданасць і любоў да выбранай прафесіі былі ўдастоены грамат і падзяк рознага ўзроўню.