Змяненне заканадаўства аб Усебеларускім народным сходзе і Выбарчага кодэкса стануць гістарычным момантам у жыцці нашай краіны. Такім меркаваннем з журналістамі падзяліўся памочнік Прэзідэнта - інспектар па Магілёўскай вобласці Леанід Мартынюк у час нарады па пытаннях кадравай палітыкі і абмеркавання законапраектаў аб УНС і Выбарчым кодэксе, якая прайшла ў Магілёўскім гарвыканкаме.

"Змяненне заканадаўства аб Усебеларускім народным сходзе і Выбарчага кодэкса стануць гістарычным момантам у жыцці нашай краіны, аб якім мы з гордасцю будзем расказваць нашчадкам, таму што мы з вамі сталі непасрэднымі ўдзельнікамі гэтага працэсу, - сказаў Леанід Мартынюк. - Сёння завяршаецца маштабнае абмеркаванне гэтых законапраектаў на розных узроўнях. Гэтыя дні паказалі, што такая аб'ёмная і поўная работа з людзьмі не проста апраўдана, яна неабходна. Мы змаглі данесці да кожнага важнасць змяненняў. І гэта дало магчымасць кожнаму чалавеку разабрацца ў гэтых прапановах, нават тым, хто далёкі ад палітыкі і заканатворчых працэсаў".

Паводле слоў памочніка Прэзідэнта, сустрэчы ў калектывах прадэманстравалі, што людзі ў поўнай меры ўсведамляюць персанальную адказнасць за прымаемыя рашэнні, якія будуць мець сур'ёзны ўплыў на будучыню краіны. "Беларусы ўсведамляюць, што працэс сур'ёзнай палітычнай рэформы ўжо запушчаны. УНС стане важным дэмакратычным інструментам. Гэта беспрэцэдэнтны вопыт у сусветнай гісторыі, які не мае аналагаў. Гэта ўнікальная мадэль беларускай дэмакратыі, пры якой любы чалавек зможа ўдзельнічаць у прыняцці лёсавызначальных рашэнняў для нашай дзяржавы".

Акрамя таго, у гарвыканкаме прайшла нарада па пытаннях фарміравання складу рэзерву кадраў на 2023 год. Як расказаў начальнік аддзела арганізацыйна-кадравай работы Магілёўскага гарвыканкама Віктар Лаўрыновіч, работа з рэзервам кадраў у горадзе выбудавана на высокім і ўсебаковым узроўні: удзяляецца вялікая ўвага не толькі адукацыі і прафесійным навыкам патэнцыяльных рэзервістаў, але і грамадзянскай актыўнасці і патрыятычнаму выхаванню. У рэзерв кадраў на наступны год у гарвыканкаме трапілі 188 кандыдатаў.

belta.by