Ад імя Магілёўскага раённага выканаўчага камітэта і Магілёўскага раённага Савета дэпутатаў віншуем вас З Днём Канстытуцыі Рэспублікі Беларусь!
Гэта свята з’яўляецца сімвалам свабоды і незалежнасці беларускага народа, яго шматвяковага шляху развіцця. Канстытуцыя засяродзіла ў сабе гістарычны вопыт і мудрасць папярэдніх пакаленняў, замацавала прававыя, палітычныя і ідэалагічныя асаблівасці дзяржавы і грамадства.
27 лютага 2022 года адбыўся рэспубліканскі рэферэндум, па выніках якога абсалютная большасць беларусаў падтрымала прапанаваныя канстытуцыйныя змены і дапаўненні. Глыбока сімвалічна, што менавіта 15 сакавіка – у Дзень Канстытуцыі Рэспублікі Беларусь –абноўлены Асноўны Закон уступіць у сілу.
Канстытуцыя ў новай рэдакцыі –гэта ўнікальны прававы дакумент, звернуты ў будучыню, створаны пры непасрэдным удзеле і волі народа. У абноўленай Канстытуцыі знайшлі адлюстраванне ключавыя моманты ўсіх сфер жыццядзейнасці сучаснага беларускага грамадства, традыцыі і інавацыі, найважнейшыя прынцыпы і мэты далейшага развіцця нашай краіны. Пры гэтым захавана глыбокая сацыяльная накіраванасць дзяржаўнай палітыкі, у цэнтры якой быў і застаецца чалавек і яго дабрабыт.
Прыняцце абноўленай Канстытуцыі –гэта чарговая веха развіцця нашай суверэннай краіны, заклад яе дабрабыту і росквіту. Упэўнены, што наша сумесная стваральная праца дазволіць рэалізаваць абвешчаныя ў Канстытуцыі правы кожнага грамадзяніна Рэспублікі Беларусь.
У гэты святочны дзень жадаем вам міру і дабра, аптымізму, поспехаў у добрых справах на карысць нашай роднай зямлі!
З Днём Канстытуцыі Рэспублікі Беларусь!
Старшыня Магілёўскага раённага выканаўчага камітэта А. І. Чыкіда.
Старшыня Магілёўскага раённага Савета дэпутатаў С. Д. Ярошчанка.