У Магілёўскім раёне каля вёскі Старое Пашкава і Гаі, дзе ў 1941 годзе ішлі жорсткія баі, стартавала пошукавая экспедыцыя. На мемарыяльным комплексе «Вышыня Уладзімірава» адбылося адкрыццё Вахты Памяці. Пасля чаго ўдзельнікі ГА «Магілёўскі абласны гісторыка-патрыятычны пошукавы клуб “Віккру”» адправіліся ў палі шукаць астанкі герояў, якія загінулі за Радзіму. Плануецца, што экспедыцыя будзе доўжыцца да 27 красавіка. Па яе выніках астанкі паднятых байцоў будуць з ушанаваннямі перапахаваныя. Калі будуць устаноўлены імёны загінулых смерцю храбрых, яны будуць увекавечаны на абелісках і мемарыялах.