У рамках усенароднага абмеркавання праекта змяненняў і дапаўненняў Канстытуцыі Рэспублікі Беларусь на базе Палыкавіцкага сельскага дома культуры адбылася сустрэча старшыні Магілёўскага раённага Савета дэпутатаў Сяргея Ярошчанкі з мясцовым насельніцтвам і прадстаўнікамі працоўнага калектыву ААТ «Палыкавічы».

У мерапрыемстве таксама прынялі ўдзел кіраўнік спраў Магілёўскага райвыканкама Аляксандр Маргуноў, дырэктар ААТ «Палыкавічы» Аляксей Шуплякоў, выконваючы абавязкі Палыкавіцкага сельскага Савета Таццяна Русакова.

Выступоўцы на мерапрыемстве распавялі аб асноўных навінах праекта, адзначыўшы, што іх з'яўленне было прадыктавана патрабаваннем часу.

Прысутныя ў зале даведаліся пра тое, як будзе працаваць Усебеларускі народны сход і хто можа стаць яго дэлегатам, для чаго плануецца ўвесці Адзіны дзень галасавання і што зменіцца ў сістэме партыйнага будаўніцтва.

На сустрэчы была нададзена ўвага пытанням захавання гістарычнай памяці, прыхільнасці традыцыйным сямейным каштоўнасцям, клопату аб людзях з інваліднасцю.

Абмеркаванне актуальнай тэмы выклікала жывы водгук у прысутных. Напрыклад, намеснік дырэктара па выхаваўчай рабоце ДУА «Камінтэрнаўская сярэдняя школа» Алеся Ліхачова пазнаёміла з гісторыяй правядзення рэферэндумаў як у нашай краіне, так і за мяжой, расказала пра тое, хто мае права прымаць у іх удзел.

Абмяркоўваліся і бягучыя пытанні сацыяльнай накіраванасці - кіраўнік дэпутацкага корпуса раёна абяцаў аказаць садзейнічанне ў іх вырашэнні з прыцягненнем усіх датычных службаў.