На базе УП «Санаторый “Нарачанка”» Мінскай вобласці адбылася XV Рэспубліканская зімовая галіновая спартакіяда работнікаў жыллёва-камунальнай гаспадаркі.

У спаборніцтве прынялі ўдзел каманды прадпрыемстваў ЖКГ абласцей і горада Мінска. Яны змагаліся за перамогу ў настольным тэнісе, плаванні, дартсе, шахматах, шашках, більярдзе, стральбе з пнеўматычнай вінтоўкі, лыжных гонках.

У складзе каманды Магілёўскай абласной арганізацыі галіновага прафсаюза выступіла 16 удзельнікаў ва ўсіх прадугледжаных палажэннем аб спаборніцтвах відах спорту.

За крок ад п’едэстала спыніліся Руслан Дударэнка (плаванне, ААТ «Гасцініца “Магілёў”»), Марыя Пясчынская (настольны тэніс, філіял «Бабруйсквадаканал» УВКП ВКХ «Магілёўаблвадаканал»), Уладзімір Бычкоў (настольны тэніс, ГА «Бабруйскжылкамгас»).

Бронзавыя медалі заваявалі: у шахматах – Павел Анціпенка (Магілёўскае ДКУ спецыялізаванае аўтапрадпрыемства) і Галіна Якімава (КУП «ДЭП г. Бабруйска»).

На другую прыступку п’едэстала падняліся: Аладзін Аліеў (стральба з пнеўматычнай вінтоўкі, Дрыбінскае УКП «Жылкамгас»), Ганна Муратава (плаванне, КВУП «Магілёўскі смеццеперапрацоўчы завод»).

Не было роўных (1 месца) у спаборніцтвах па шашках Віялеце Каржовай (Магілёўскае ДКУ Дарожна-маставое прадпрыемства), у лыжных гонках – Аляксандру Кісялёву (ТАА «Прамбетонмантаж»).

Магілёўскі абласны выканаўчы камітэт