Бабруйск гатовы правесці рэспубліканскую грамадска-культурную акцыю "Марафон адзінства" на самым высокім узроўні. Аб гэтым журналістам заявіла намеснік начальніка ўпраўлення культуры Магілёўскага аблвыканкама Наталля Пушнова, перадае карэспандэнт БЕЛТА.

"Бабруйск гатовы сустракаць "Марафон адзінства", мы з нецярплівасцю чакалі, калі ён сюды зазірне. "Марафон" - гэта не толькі культура, але і адзінства праз гісторыю гарадоў. І Бабруйску ёсць што паказаць, ёсць чым ганарыцца. Гэта прамысловыя прадпрыемствы, гэта гістарычныя аб'екты. У горадзе ёсць такое знакавае месца, як Бабруйская крэпасць. Тут ёсць шмат усяго іншага, і, я думаю, госці горада гэта ўбачаць", - сказала Наталля Пушнова.

Намеснік начальніка ўпраўлення культуры адзначыла, што "Марафон адзінства", пераязджаючы з аднаго горада ў іншы, развіваецца і папаўняецца новымі праектамі. "Нам прыемна, што ў Бабруйску стартуе новы праект - "Разам працуем, разам спяваем!". Ён будзе і ў Магілёве (наступная кропка "Марафону адзінства". - Заўвага БЕЛТА)", - звярнула ўвагу яна.

У Бабруйску вельмі чакалі "Марафон адзінства" і гатовы правесці яго на самым высокім узроўні.

БелТА