Беларусі цяпер важна гаварыць не столькі аб імпартазамяшчэнні, колькі аб імпартаапераджэнні, заявіла ў эфіры ток-шоу «По существу» на тэлеканале СТВ намеснік старшыні Мінскага гарвыканкама Надзея Лазарэвіч, якая раней узначальвала ААТ «Кіруючая кампанія “Бабруйскаграмаш”».

«Цяпер неабходна гаварыць не аб імпартазамяшчэнні, а імпартаапераджэнні. Нашым прадпрыемствам, якія супрацоўнічаюць у цеснай кааперацыі з такімі брэндамі, як Мінскі трактарны завод, МАЗ, БелАЗ і гэтак далей, неабходна працаваць менавіта ў частцы вузкапрофільнай гідраўлікі, якую ў асноўным куплялі. Цяпер прыйшоў іх час, іх магчымасці, і, паверце, кампетэнцыі ў нас ёсць, – лічыць Надзея Лазарэвіч. – Беларусі, можа, і нецікава рабіць той ці іншы цыліндр або вузел гідраўлічны, але калі мы разумеем, што гэта будзе купляць і «Растсельмаш», і Пецярбургскі трактарны завод, і іншыя буйныя вытворцы тэхнікі ў Расі, то становіцца значна цікавей».

Што тычыцца «Бабруйскаграмаша», Надзея Лазарэвіч адзначыла, што праграма па імпартазамяшчэнні была выбудавана загадзя. На працягу 2020–2022 гадоў прадпрыемства працуе на поўную магутнасць, прадае прадукцыю ў ліку іншага на экспарт. «Як адгружалі, так і адгружаем, – сказала яна. – Ёсць два вузлы, якія былі крытычныя па імпарце на 2020 год, але мы адпрацавалі з прадпрыемствамі Беларусі і на сёння няма вузла, які не заменены па імпартазамяшчэнні».

БЕЛТА