Зацверджаны памеры надбавак сельгасвытворцам у 2022 годзе. Адпаведную пастанову нумар 47 "Аб выплатах у выглядзе субсідый на адзінку рэалізаванай і (або) накіраванай у апрацоўку (перапрацоўку) сельскагаспадарчай прадукцыі" прыняў Савет Міністраў 27 студзеня, паведамляе БЕЛТА са спасылкай на Нацыянальны прававы інтэрнэт-партал.

Дакументам устаноўлена, што ў 2022 годзе з мясцовых бюджэтаў надбаўкі (за адну тону) будуць выплачвацца за некаторыя віды сельгаспрадукцыі, рэалізаваныя арганізацыям, якія ажыццяўляюць апрацоўку сельгаспрадукцыі, і (або) накіраваныя ў апрацоўку (перапрацоўку) на тэрыторыі краіны. Да гэтых відаў сельгаспрадукцыі належаць каровіна, кабыліна, казінае і авечае малако, маладняк буйной рагатай жывёлы малочных парод, выгадаваны на жывёлагадоўчых аб'ектах па вырошчванні і адкорме буйной рагатай жывёлы, буйная рагатая жывёла мясных парод і іх помесей, авечкі, воўна авечая мытая і нямытая, проса (класы 1 і 2), ячмень (клас 1), грэчка і траста лёну-даўгунцу.

Выплачвацца надбаўкі будуць юрыдычным асобам, уключаючы іх адасобленыя падраздзяленні, якія маюць у наяўнасці сельскагаспадарчыя землі сельскагаспадарчага прызначэння і займаюцца вытворчасцю сельгаспрадукцыі. Для юрыдычных асоб, якія займаюцца гэтай дзейнасцю ў неспрыяльных для вытворчасці сельгаспрадукцыі раёнах, памер надбавак павялічваецца на 1-10 працэнтаў.

Растлумачваць пытанні прымянення гэтай пастановы будзе Міністэрства сельскай гаспадаркі і харчавання.

Дакумент уступіў у сілу 30 студзеня, пры гэтым памеры надбавак, устаноўленыя пастановай, прымяняюцца з 1 студзеня 2022 года.

БелТА